Connect with us

Bulleh Shah

اُلٹی گنگا بہایورے سادھو تب ہردرسن پائے

baba bulleh shah kalam

Bulleh Shah Poet 

اُلٹی گنگا بہایورے سادھو تب ہردرسن پائے
پریم کی پُونی ہاتھ میں لیجو، گنُجھ مروڑی پڑنے نہ دیجو

گیان کا تکلا دھیان کا چرخہ، الٹا پھیر بھوائے
اُلٹے پاؤں پر کُنبھ کرن جائے، تب لنکا کا بھیدا پائے

دھنیر لٹیا ہُن لچھمن باقی، تب انحد ناد بجائے
ایہ گَت گُر کی پریوں پاوے گُر کا سیوک تبھی سدائے

امرت منڈل مُول ٹُبھ ایسی، دے کے ہری ہر ہوجائے
اُلٹی گنگا بہایورے سادھو تب ہردرسن پائے

Advertisement
Click to comment

Leave a Reply

Your email address will not be published.

Bulleh Shah

Bulleh Shah kalam ایس نیونہہ دی اُلٹی چال

baba bulleh shah kalam

Poet; Bulleh Shah 

ایس نیونہہ دی اُلٹی چال

صابر نے جد نیونہہ لگایا
ویکھ پیا نے کیہہ دکھلایا
رگ رگ اندر کِرم چلایا
زوراور دی گل محال
ایس نیونہہ دی اُلٹی چال

زکریا نے جد پایا کھارا
جس دم وجیا عشق نقارا
دھریا سر تے تکھا آرا
کیتا ایڈ زوال
ایس نیونہہ دی اُلٹی چال

جد یحیی نے پائی جھاتی
رمز عشق دی لائی کاتی
جلوہ دِتا اپنا ذاتی
تن خنجر کیتا لال
ایس نیونہہ دی اُلٹی چال

آپ اشارہ اکھ دا کیتا
تاں مدھوا منصور نے پیتا
سولی چڑھ کے درشن لیتا
ہویا عشق کمال
ایس نیونہہ دی اُلٹی چال

سلیمان نوں عشق جو آیا
مُندرا ہتھوں چا گوایا
تخت نہ پریاں دا پھر آیا
بھٹھ جھو کے، تھی بے حال
ایس نیونہہ دی اُلٹی چال

بلھے شاہ ہن چُپ چنگیری
نہ کر ایتھے ایڈ دلیری
گل نہ بندی تیری میری
چھڈ دے سارے وہم خیال
ایس نیونہہ دی اُلٹی چال

Continue Reading

Bulleh Shah

Kalam bulleh Shah جاں میں سبق عشق دا پڑھیا

baba bulleh shah kalam

جاں میں سبق عشق دا پڑھیا
مسجد کولوں جیوڑا ڈریا
ڈیرے جا ٹھاکر دے وڑیا

جتھے وجدے ناد ہَزار
عشق دی نوّیوں نوّیں بہار

جاں میں رَمز عشق دی پائی
مَینا طوطا مار گوائی
اندر باہر ہوئی صفائی

جِت وَل ویکھاں یارو یار
عشق دی نوّیوں نوّیں بہار

ہیر رانجھے دے ہو گئے میلے
بھُلّی مہر ڈھوڈیندی بیلے
رانجھا یار بُکّل وِچ کھیلے

مینوں سدھ رہی نہ سار
عشق دی نوّیوں نوّیں بہار

وید قرآناں پڑھ پڑھ تھکے
سجدے کردیاں گھس گئے متھے
نہ رب تیرتھ نہ رب مکّے

جس پایا تس نور اَنوار
عشق دی نوّیوں نوّیں بہار

پُھوک مصلّٰی بھن سٹ لوٹا
نہ پھڑ تسبیح عاصا سوٹا
عاشق کیہندے دے دے ہوکا

ترک حلالوں کھا مردار
عشق دی نوّیوں نوّیں بہار

عمر گوائی وچ مسیتی
اندر بھریا نال پلیتی
کدے نماز توحید نہ نیتی

ہن کی کرنائیں شور پُکار
عشق دی نوّیوں نوّیں بہار

عشق بُھلایا سجدہ تیرا
ہن کیوں اینویں پاویں جھیڑا
بلھا ہوندا چپ بتیرا

عشق کریندا مارو مار
عشق دی نوّیوں نوّیں بہار

Continue Reading

Bulleh Shah

Kalam Baba Bulleh Shah تیرے عشق نچائیاں

baba bulleh shah kalam

Poet; Bulleh Shah 

تیرے عشق نچائیاں

تیرے عشق نچائیاں کر کے تھیّا تھیّا

تیرے عشق نے ڈیرا میرے اندر کیتا
بھر کے زہر دا پیالہ، مَیں تاں آپے پیتا
جھب دے بَوھڑِیں سے طبیبا، نہیں تے میں مر گئِیّا

تیرے عشق نچائیاں کر کے تھیّا تھیّا

چُھب گیا وے سُورج، باہر رہ گئی آ لالی
وے میں صدقے ہوواں، دیویں مُڑ جے دکھالی
پیرا! میں بُھل گئیّاں تیرے نال نہ گِئیّا

تیرے عشق نچائیاں کر کے تھیّا تھیّا

ایس عشقے دے کولوں مینوں ہٹک نہ ماۓ
لاہُو جاندڑے میڑے، کیہڑا موڑ لِیاۓ
میری عقل جو بُھلّی، نال مھانیاں دے گئیّا

تیرے عشق نچائیاں کر کے تھیّا تھیّا

ایس عشقے دی جھنگی، وِچ مور بولِیندا
سانوں قِبلہ تے کعبہ، سوہنا یار دسِیندا
سانوں گھائل کر کے، پھیر خبر نہ لئیّا

تیرے عشق نچائیاں کر کے تھیّا تھیّا

بُلّھا! شَوہ نے آندا مینوں، نائت دے بُوہے
جِس نے مینوں پواۓ چولے، ساوے تے سُوہے
جاں مَیں ماری ہے اڈّی، مِل پیا ہے دھیّا

تیرے عشق نچائیاں کر کے تھیّا تھیّا

Continue Reading

Trending