Bulleh Shah
Kalam Baba Bulleh Shah اماں بابے دی بھلیائی

Poet; Baba Bulleh Shah
اماں بابے دی بھلیائی
اوہ ہُن کم اساڈے آئی
امّاں بابا چور دھُراں دے، پُتّر دی وڈیائی
دانے اُتوں گُت بگُتی گھر گھر پئی لڑائی
اساں قضیے تداہیں جالے، جد کنک اوہناں ٹُرکائی
کھائے خیراتے پھاٹیے جمعہ، اُلٹی دستک لائی
بُلھّا طوطے مارباغاں تھیں کڈّھے، اُلّو رہن اُس جائی
اماں بابے دی بھلیائی
اوہ ہُن کم اساڈے آئی
Bulleh Shah
اُلٹی گنگا بہایورے سادھو تب ہردرسن پائے

Bulleh Shah Poet
اُلٹی گنگا بہایورے سادھو تب ہردرسن پائے
پریم کی پُونی ہاتھ میں لیجو، گنُجھ مروڑی پڑنے نہ دیجو
گیان کا تکلا دھیان کا چرخہ، الٹا پھیر بھوائے
اُلٹے پاؤں پر کُنبھ کرن جائے، تب لنکا کا بھیدا پائے
دھنیر لٹیا ہُن لچھمن باقی، تب انحد ناد بجائے
ایہ گَت گُر کی پریوں پاوے گُر کا سیوک تبھی سدائے
امرت منڈل مُول ٹُبھ ایسی، دے کے ہری ہر ہوجائے
اُلٹی گنگا بہایورے سادھو تب ہردرسن پائے
Bulleh Shah
Bulleh Shah kalam ایس نیونہہ دی اُلٹی چال

Poet; Bulleh Shah
ایس نیونہہ دی اُلٹی چال
صابر نے جد نیونہہ لگایا
ویکھ پیا نے کیہہ دکھلایا
رگ رگ اندر کِرم چلایا
زوراور دی گل محال
ایس نیونہہ دی اُلٹی چال
زکریا نے جد پایا کھارا
جس دم وجیا عشق نقارا
دھریا سر تے تکھا آرا
کیتا ایڈ زوال
ایس نیونہہ دی اُلٹی چال
جد یحیی نے پائی جھاتی
رمز عشق دی لائی کاتی
جلوہ دِتا اپنا ذاتی
تن خنجر کیتا لال
ایس نیونہہ دی اُلٹی چال
آپ اشارہ اکھ دا کیتا
تاں مدھوا منصور نے پیتا
سولی چڑھ کے درشن لیتا
ہویا عشق کمال
ایس نیونہہ دی اُلٹی چال
سلیمان نوں عشق جو آیا
مُندرا ہتھوں چا گوایا
تخت نہ پریاں دا پھر آیا
بھٹھ جھو کے، تھی بے حال
ایس نیونہہ دی اُلٹی چال
بلھے شاہ ہن چُپ چنگیری
نہ کر ایتھے ایڈ دلیری
گل نہ بندی تیری میری
چھڈ دے سارے وہم خیال
ایس نیونہہ دی اُلٹی چال
Bulleh Shah
Kalam bulleh Shah جاں میں سبق عشق دا پڑھیا

جاں میں سبق عشق دا پڑھیا
مسجد کولوں جیوڑا ڈریا
ڈیرے جا ٹھاکر دے وڑیا
جتھے وجدے ناد ہَزار
عشق دی نوّیوں نوّیں بہار
جاں میں رَمز عشق دی پائی
مَینا طوطا مار گوائی
اندر باہر ہوئی صفائی
جِت وَل ویکھاں یارو یار
عشق دی نوّیوں نوّیں بہار
ہیر رانجھے دے ہو گئے میلے
بھُلّی مہر ڈھوڈیندی بیلے
رانجھا یار بُکّل وِچ کھیلے
مینوں سدھ رہی نہ سار
عشق دی نوّیوں نوّیں بہار
وید قرآناں پڑھ پڑھ تھکے
سجدے کردیاں گھس گئے متھے
نہ رب تیرتھ نہ رب مکّے
جس پایا تس نور اَنوار
عشق دی نوّیوں نوّیں بہار
پُھوک مصلّٰی بھن سٹ لوٹا
نہ پھڑ تسبیح عاصا سوٹا
عاشق کیہندے دے دے ہوکا
ترک حلالوں کھا مردار
عشق دی نوّیوں نوّیں بہار
عمر گوائی وچ مسیتی
اندر بھریا نال پلیتی
کدے نماز توحید نہ نیتی
ہن کی کرنائیں شور پُکار
عشق دی نوّیوں نوّیں بہار
عشق بُھلایا سجدہ تیرا
ہن کیوں اینویں پاویں جھیڑا
بلھا ہوندا چپ بتیرا
عشق کریندا مارو مار
عشق دی نوّیوں نوّیں بہار
-
Nice poetry2 years ago
Nice Urdu poetry | Urdu Poetry Love & Nice Shayari | Best Poetry Images |
-
SMS3 years ago
Urdu Poetry SMS , Short Text SMS For Mobile, Shayari SMS in Urdu Font
-
2 Line Poetry3 years ago
2 line Urdu poetry and SMS | Two line Shayari Urdu & images |
-
Death poetry3 years ago
Death poetry in Urdu & Images |Mout Shayari 2 line|