آپے آہو آپے چیتا
آپے مارن دھایا
آپے صاحب آپے بردا
آپے مُل وکایا
ڈھولا آدمی بن آیا
ہاٹھی تے اسوار ہویا
کدی ٹھوٹھا ڈانگ بُھوایا
راول جوگی بھوگی ہوکے
سانگی سانگ رچایا
ڈھولا آدمی بن آیا
بازی گر کیا کھیلی بازی
پتلی وانگ نچایا
میں اس پڑتالی نچناں ہاں
جس گت مت یار لکھایا
ڈھولا آدمی بن آیا
ہابیل قابیل آدم دے جائے
آدم کس دا جایا
بلّھا انھاں توں بھی اگے آہا
دادا گود کھڈایا
ڈھولا آدمی بن آیا
Leave a Reply